5353

Call-Орталығы 5353 (Kcell, Activ, Beeline абоненттері үшін) 8 7172 55 99 77 (Астана қ. стационарлық телефоннан қоңырау шалу тегін, ұялы операторлардың абоненттері үшін - оператор тарифіне сәйкес)
Install the application:
1) Open the website in Safari
2) Click save
3) Add to home screen

Медиа орталық

Ауыл шаруашылығын қаржылай қолдау қоры Аграрлық несие корпорациясына қосылады

Ауыл шаруашылығын қаржылай қолдау қоры Аграрлық несие корпорациясына қосылады

ҚР Премьер-Министрі Асқар Мамин «Бәйтерек» ұлттық басқарушы холдингі» АҚ Директорлар кеңесінің отырысын өткізді, деп хабарлайды primeminister.kz.

Мемлекет басшысы Қасым-Жомарт Тоқаевтың Холдингтің еншілес компанияларының санын қысқарту жөніндегі тапсырмасын орындау мақсатында «Ауыл шаруашылығын қаржылай қолдау қоры» АҚ-ның (АШҚҚҚ) «Аграрлық несие корпорациясы» АҚ-ға (АНК) қосылуы туралы шешім қабылданды.

АНК-ға АШҚҚҚ-ның микробизнесті кредиттеу, өсімдік шаруашылығындағы сақтандыру функциялары және «Дипломмен ауылға» жобасы аясында «Ауылдық ипотека» бойынша агент функциялары, «Даму» қорына – кредиттерді кепілдендіру бойынша АШҚҚҚ функциялары берілетін болды.

Фото 2.jpg

Қайта ұйымдастыру ауыл шаруашылығы тауарын өндірушілерге АНК кең филиалдық желісі базасында «бір терезе» қағидаты бойынша кредиттер алуға мүмкіндік береді. Бұл ретте АӨК субъектілерін қаржыландырудың қолданыстағы шарттары сақталады.

Отырысқа қатысушылар биылғы жылдың II тоқсанындағы тәуекелдер жөніндегі есепті, сондай-ақ Холдингтің басқармасы, Директорлар кеңесі, Корпоративтік хатшысы және Корпоративтік хатшының қызметі туралы ережелерге өзгерістер мен толықтыруларды бекітті.