Солтүстік Қазақстан облысындағы «Қызылжар сүт» ЖШС 2015 жылы ашылған. Негізінен егіншілікпен айналысады. Алайда заман талабына сай жан-жақтылықты қолға алған серіктестік 2020 жылы Қызылжар ауданындағы Чапаево ауылының маңынан заманауи тауарлы-сүт фермасын салған.

«Аграрлық несие корпорациясының көмегімен салынған біздің ферма 720 бас сиырға арналған. Құны – 3 млрд теңгеден асады. Сүтті бағыттағы сиыр тұқымын шетелден әкелдік. Корпорация несиесі тиімді, жылдық сыйақы мөлшерлемесі 6 пайыз, екі жыл жеңілдетілген кезеңі бар», - дейді «Қызылжар сүт» ЖШС басшысы.

«Агробизнес» бағдарламасы бойынша алынған несиеге салынған инвестициялық жоба қазір ірі сүт зауыттарына шикізат жеткізеді. Осылайша, табиғи сүт өніміне қажетті жоғары сапалы шикізат өндіруді қолға алған серіктестік табысын еселеп отыр. Мұнда жылына 4 мың тоннаға жуық сүт өндіру жоспарланған.

Сурет: nur.kz