Басқарма Төрағасы Алмат Әшірбеков, Төраға орынбасары Руслан Төлегенов, Атқарушы директор Жанат Алин және Астана қаласы филиалының директоры Асет Кушкунбаев бизнес-процестерді цифрландыру және автоматтандыру арқылы несие қызметін жетілдіруге қатысты жүргізілген жұмыстар аясында Ақкөл ауданы Ауыл шаруашылығы бөліміне, Халыққа қызмет көрсету орталығына және «№1 астық қоймасы» элеваторына барды.
Сапар барысында Ақкөл қаласының Халыққа қызмет көрсету орталығы өтінімдерді қабылдаудан бастап тіркелген кепіл шарттарын беруге дейінгі кепілмен қамтамасыз етуді тіркеу процестерін көрсетті.
Сондай-ақ, Ақкөл ауданының кепілдікті тіркеу процесіне қатысатын жер қатынастары және ауыл шаруашылығы бөлімдерінің қызметімен танысты.
Аграрлық несие корпорациясының басшылығы сапар аясында кепілдік шарттарын, астық қолхаттарын тіркеу процестерін жеделдетуге кедергі келтіретін проблемалық мәселелерді талқылады. Корпорация фермерлердің Агроөнеркәсіп кешеніндегі несиелерге қолжетімділігін жақсарту жөніндегі жұмысты жалғастырады.
