Басын көтеріп елден сұрағанша, басын иіп жерден сұрайтын диқандар қауымы көктемгі дала жұмыстарын аяқтады. Жамбылдық шаруалар биылғы жылы 216,1 мың гектарға жаздық масақты дәнді дақыл, 70,0 мың гектарға майлы дақыл, 44,4 мың гектарға көкөніс, 17,6 мың гектарға дәндік жүгері, 16,5 мың гектарға бақша дақылдары, 11,6 мың гектарға картоп, 6,1 мың гектарға қант қызылшасы, 27,1 мың гектарға бір жылдық және 34,7 мың гектарға көпжылдық шөп отырғызды.

Осының нәтижесінде облыстағы ауыл шаруашылығы дақылдарының егіс көлемі 760,0 мың гектарды құрап, өткен жылмен салыстырғанда 9,2 мың гектарға артты.

Көктемгі дала жұмыстарына 7 317 ауыл шаруашылығы техникалары жұмылдырылды.

Сондай-ақ, биылғы жылы егіс алқаптарын арзандатылған минералды тыңайтқыштармен қамтамасыз ету үшін 52,4 мың тонна тыңайтқыш алу жоспарланса, бүгінгі күні шаруашылықтар тарапынан 11,0 мың тонна тыңайтқыштар алынып, 29,9 мың гектарға ендірілді.

Дала жұмыстарына облыстағы 57 шаруашылық «Аграрлық несие корпорациясы» АҚ арқылы «Кең дала» бағдарламасы бойынша 553,3 млн. теңге несие алды.


Жамбыл облысы әкімдігінің ауыл шаруашылығы басқармасының мәліметі бойынша