5353

Call-Орталығы 5353 (Kcell, Activ, Beeline абоненттері үшін) 8 7172 55 99 77 (Астана қ. стационарлық телефоннан қоңырау шалу тегін, ұялы операторлардың абоненттері үшін - оператор тарифіне сәйкес)
Install the application:
1) Open the website in Safari
2) Click save
3) Add to home screen

Медиа орталық

Қымыз баптап, шұбат алмақ

Қымыз баптап, шұбат алмақ

Маңғыстау облысы, Түпқараған ауданы, С.Шапағатов ауылындағы «Балапашқызы Салиха» ЖК бес-алты жыл бұрын құрылған. Азын-аулақ мал ұстаған агробизнесмен кейінірек мемлекеттің тиімді механизмін пайдалануды жөн көріпті. Аграрлық несие корпорациясының қаржысына 2020 жылы 58 бас жергілікті тұқымды жылқы сатып алған екен. 

«Белгілі бір себептерге байланысты былтыр жөнді төл алмадық. Биыл биелердің 70 пайызы құлындады. Қазір қымыз өндіріп жатырмыз, енді жылқы етін өндіреміз. Бұған мүмкіндік бар, жайылым да, техникамыз да жеткілікті. Аграрлық несие корпорациясының несиесінің арқасында төрт түліктің төресін көптеп өсіруді жөн көрдік», - дейді Салиха Балапашқызы. 

Сенімді қаржылық одағының арқасында биыл қожалық 46 бас түйе сатып алған. Мұнда негізінен шұбат өндіру қолға алынбақ. Агробизнестің табысты түрі саналатын түйе шаруашылығын қазір Салиха әжейдің ұлы Елдос Ақжан жүргізіп отыр. Кәсіп иесі алдағы уақытта тағы да жеңілдетілген несие алып, қожалықта сауын түйенің санын көбейтуді жоспарға енгізіпті.