Астанада «Таза Қазақстан. Астана – тазалық пен тәртіптің үлгісі» атты ауқымды экологиялық науқан жалғасуда. «Жасыл аймақ» ұранымен өтіп жатқан осы апта көшеттер отырғызуға, өсіп тұрған талдарды ақтауға арналды. Бүгін Аграрлық несие корпорациясының ұжымы да бұқаралық іс-шараға белсене атсалысып, Есіл өзенінің бойындағы Махатма Ганди мүсіні орнатылған аллеяға көшеттер отырғызды. Корпорация жыл сайын Астананың экологиялық жағдайын жақсартуға үлес қосып келеді.