5353

Call-Орталығы 5353 (Kcell, Activ, Beeline абоненттері үшін) 8 7172 55 99 77 (Астана қ. стационарлық телефоннан қоңырау шалу тегін, ұялы операторлардың абоненттері үшін - оператор тарифіне сәйкес)
Install the application:
1) Open the website in Safari
2) Click save
3) Add to home screen

Агросақтандыру

Жалпы ақпарат

2020 жылы агроөнеркәсіптік кешен саласындағы сақтандырудың жаңа жүйесі іске қосылды. Сақтандыру операторы «Бәйтерек» холдингінің еншілес ұйымы – Аграрлық несие корпорациясы.

2004 жылдан бері қолданыстағы өсімдік шаруашылығындағы сақтандыруға қарағанда жаңа жүйенің бірнеше ерекшелігі бар.

Біріншіден, АӨК саласындағы сақтандыру ерікті.

Екіншіден, салалар бойынша шектеулер жоқ - агросектор аясында кез-келген бағытты сақтандыруға болады.

Үшіншіден, сақтандыру сыйақысын субсидиялау түрінде мемлекеттік қолдау қарастырылған. Ол ауыл шаруашылығы тауар өндірушілерін ынталандыруға және сақтандыру жартылай арзандатуға бағытталған. Бұл мақсатта 2020 жылы республикалық бюджеттен 2,5 млрд теңге, ал 2021 жылы 1 млрд теңге бөлінді.

«Сақтандыру сыйақыларын субсидиялау қағидаларын бекіту туралы» Қазақстан Республикасы Ауыл шаруашылығы министрінің 2020 жылғы 19 мамырдағы №172 бұйрығына енгізілген өзгерістер аясында 2022 жылғы 5 қыркүйектен бастап агроөнеркәсіп кешеніндегі сақтандыру шарты бойынша сақтандыру сыйақысын субсидиялау 80% дейін көбейді.

Ауыл шаруашылығы тауарөндірушілердің мүддесін қорғауды қамтамасыз ету үшін мұнда Қазақстан Республикасының қаржы нарығын реттеу және дамыту агенттігінің лицензиясы бар сақтандыру компаниялары ғана жұмыс істей алады.

Жүйеге әлемдік сақтандыру нарығында «А» рейтингісі бар үш халықаралық қайта сақтандыру компаниясы тартылды. Олар отандық компаниялар өзіне алатын тәуекелді қайта сақтандырады. Бұл сақтандыру тәуекелі туындаған жағдайда кепілдендірілген төлемді қамтамасыз етуге мүмкіндік береді.

Шарт жасасудан бастап төлемге дейінгі барлық рәсім www.qoldau.kz электрондық платформасында ЭЦҚ арқылы жүргізіледі. Үдерістерді автоматтандыру адам факторын барынша азайтуға мүмкіндік беріп, жұмыстың ашықтығын қамтамасыз етеді.

АӨК сақтандыру саласындағы оператор

Қазақстан Республикасы Ауыл шаруашылығы министрінің 10.09.2021 ж. №271 бұйрығымен Аграрлық несие корпорациясы Агроөнеркәсіптік кешенде сақтандыру саласындағы оператор болып анықталды.

Агроөнеркәсіптік кешендегі сақтандыру саласындағы оператордың қызметіне кіретіндер:

1) сақтандырудың ақпараттық жүйесіне қолжетімділікті қамтамасыз ету және оны сүйемелдеу бойынша көрсетілетін қызметтерді сатып алу;

2) сақтандыру сыйақы бойынша субсидиялар түрінде бюджет қаражатын бөлу үдерістерін басқару;

3) субсидиялауға жататын сақтандыру өнімдерін әзірлеу, сараптама жүргізу және бекіту. Сақтандыру өнімдерін агроөнеркәсіптік кешендегі сақтандыру саласындағы оператор немесе сақтандырушылар әзірлейді. Субсидиялауға жататын сақтандыру өнімдері Қаржы нарығы мен қаржы ұйымдарын реттеу, бақылау және қадағалау жөніндегі уәкілетті органмен келісіледі;

4) агроөнеркәсіптік кешендегі сақтандыру саласының мониторингі;

5) агроөнеркәсіптік кешенді дамыту саласындағы уәкілетті органға агроөнеркәсіптік кешендегі сақтандыруды дамыту жөнінде ұсыныстар енгізу;

6) сараптамалық кеңестің қызметін ұйымдастыру.

Сақтандыру өнімдері

2022 жылдың қыркүйегінен бастап Қазақстанда бау-бақшаларды сақтандырудың жаңа бағдарламасы іске қосылды.

Қазіргі таңда АӨК-гі сақтандыру нарығында мынадай сақтандыру өнімдері бар:

I. Өсімдік шаруашылығындағы сақтандыру

  1. топырақ ылғалдылығы тапшылығының индексін сақтандыру (2 кезең) (1-төлқұжат);
  2. топырақ ылғалдылығы тапшылығының индексін сақтандыру (3 кезең) (2-төлқұжат);
  3. топырақ ылғалдылығының артық индексін сақтандыру (3-төлқұжат);
  4. күздік дақылдар үшін топырақ ылғалдылығы тапшылығының индексін сақтандыру (3 кезең) (4-төлқұжат);
  5. жайылым биомассасы деңгейінің индексін сақтандыру (5-төлқұжат);
  6. көпжылдық екпелерді – алма ағашын сақтандыру (13-төлқұжат);
  7. алма дақылын сақтандыру (14-төлқұжат).

II. Мал шаруашылығындағы сақтандыру

  1. ірі қара малды сақтандыру (әдеттегі орнын толтыру) (6-төлқұжат);
  2. ірі қара малды сақтандыру (кеңейтілген орнын толтыру) (7-төлқұжат);
  3. ұсақ қара малды сақтандыру (әдеттегі орнын толтыру) (8-төлқұжат);
  4. ұсақ қара малды сақтандыру (кеңейтілген орнын толтыру) (9-төлқұжат);
  5. жылқыларды сақтандыру (қалыпты орнын толтыру) (10-төлқұжат);
  6. жылқыларды сақтандыру (кеңейтілген орнын толтыру) (11-төлқұжат);
  7. құстарды сақтандыру (12-төлқұжат).

Жануарларды (ірі қара малды) сақтандыру бойынша бұрын бекітілген өнімге толықтыру енгізілді, атап айтқанда: 10-нан 29-ға (қосқанда) дейін ірі қара малды сақтандыруға болады.

Сақтандыру нарығы топырақтағы ылғалы тапшылығы тәуекелінен сақтандыру үшін күздік дақылдарға арналған 3 сатылы индекстік өнім бойынша сақтандыру шартын жасасу мерзімін 2022 жылғы 14 қыркүйегіне (қосқанда) дейін ұзартты.