Сенім телефоны +7 (701) 006 18 18
+7 (701) 006 18 18 - сенім телефоны (сыбайлас жемқорлық және алаяқтық әрекеттер туралы хабарлау үшін, анонимділікке кепілдік беріледі)
Жұмыс кестесі: 9-00-ден 18-30-ға дейін, үзіліс: 13-00-ден 14-30-ға дейін.
Сн, жс – демалыс күндері.

Сыбайлас жемқорлыққа қарсы күрес комплаенс-қызметінің басшысы Салықов Т.Ж.: Salykov.T@agrocredit.kz
Install the application:
1) Open the website in Safari
2) Click save
3) Add to home screen
2018 жылы ACC-тен алты мың жоба қаржыландырылды

2001 жылы негізі қаланған «Аграрлық несие корпорациясы» АҚ «ҚазАгро» Ұлттық басқарушы холдингінің компаниялар тобына кіреді және осы жылдар ішінде Қазақстанның барлық аймақтарында 16 филиал мен бір өкілдікте ауқымды жұмыстар атқарды.

Кәсіпорын қызметінің негізгі бағыты несиелеу бағдарламалары арқылы республиканың агроөнеркәсіптік кешенін дамыту болып табылады.

Қолдау Қазақстан Республикасы Президентінің 2017 жылғы 14 ақпандағы Жарлығымен бекітілген Агроөнеркәсіптік кешенді дамытудың 2017–2021 жылдарға арналған мемлекеттік бағдарламасы аясында айқындалған ауыл шаруашылығы өндірісінің басым бағыттары бойынша жүзеге асырылады.

2001 жылдан бері Қазақстанда 19 мыңға жуық ауыл шаруашылығы тауарын өндірушілер – агробизнесмендерді біріктіретін 200 несие серіктестігі құрылды. 17 жыл ішінде несие серіктестіктері арқылы 310 миллиард теңгеден астам сомаға 40 мыңнан астам несие берілді.

Ағымдағы жылдың 10 айында Корпорацияның қаржыландыруының арқасында жалпы құны 174,5 млрд теңгені құрайтын 5 928 жоба өмірге келді. Кәсіпорынның өткен жылғы жылдық көрсеткіштерінен сома өсімі 14 пайызды құрады.

Қарыз алушылар, оның ішінде қаржы институттарының түпкілікті қарыз алушылары жалпы сомасы 174,5 млрд теңге несие алды. Қаржы институттары арқылы қаржыландыру көлемі бөлінген қаражаттың 47 пайызын құрап, жалпы сомасы  82,3 миллиард теңгені құрады .

Корпорацияның атап өтуінше, негізгі бөлігі несиелік серіктестіктер жүйесіне тиесілі және 70 пайызды құрайды, жалпы алғанда бұл 57,6 миллиард теңгені құрайды. Бұл 2017 жылғы қаржыландыру көлемінен 106 пайызға артық.

Сала мамандарының айтуынша, несиелік серіктестік жүйесінің оң нәтижесіне бірнеше факторлар әсер еткен. Біріншісі –  несие серіктестіктерінің кең желісі  және олардың ауылшаруашылық өндіріс орындарына жақын орналасуы. Корпорация арқылы қаржыландыру алатын 200 несие серіктестігі 157 ауылдық жерде және 14 өңірде орналасқан.

Аудандық қамту 98 пайызды құрайды. Жүйеге 19 мыңнан астам қатысушы кіреді, ал несие портфелі 2018 жылғы 1 қарашадағы жағдай бойынша 129,2 млрд теңгені құрады.

Екінші фактор -  басқару жүйесі . Корпорацияның стратегиясы қолданыстағы процедураларды жеңілдетуге және өтінімдерді қарауға қажетті уақытты қысқартуға негізделген. Корпорация өкілеттіктерді мүмкіндігінше филиалдар мен несие серіктестіктерінің өздеріне береді. Несиелік серіктестіктердің рейтингісіне сәйкес  жобаларды тәуелсіз қарау үшін өкілеттіктердің лимиті 50 млн теңгеге дейін белгіленген . Рейтингі жоғары несиелік серіктестіктер үшін өзін-өзі қаржыландыру лимиттері тек несие желісінің мөлшерімен шектеледі.

Табыстың тағы бір факторы –  қаржыландырылатын несиелер бойынша Корпорацияның сенімді кепіл саясаты . Несиелік серіктестіктер жүйесі ауылдық жерлерде орналасқан мүлікті, ауылшаруашылық техникасын және биологиялық активтерді несиеге кепілдікке беруге мүмкіндік береді.

«Біріміз бәріміз үшін, бәріміз біріміз үшін» қағидаты бойынша дұрыс жолға қойылған жұмыстың нәтижесінде мерзімі өткен несие берешегінің төмен деңгейіне (90 күннен астам) қол жеткізілді, ол қарашада 4,6 пайызды құрады.

Жыл сайын компания АӨК құру және дамыту үшін несие береді. Биыл көктемгі егіс және егін жинау жұмыстарына 60 миллиард теңге бөлінді.

Корпорация  сонымен қатар  ауыл шаруашылығы техникасы мен жабдықтарын сатып алуды , ет өндіру үшін ірі қара/ұсақ малды өсіруді , сүт өнімдерін өндіру үшін асыл тұқымды мал басын, сүт-тауарлы ферма үшін ауыл шаруашылығы техникасын/жабдығын, ауыл шаруашылығы өнімдерін өндіру мен өңдеуді, инвестиция және жылыжай жобалары, интенсивті бақшалар, мал бордақылау алаңдары, ет комбинаттары кешендері және агроөнеркәсіптік кешендегі басқа да қызмет түрлері.

Корпорация етті мал шаруашылығы бағдарламасына белсенді қатысады. Ағымдағы жылдың 10 айында 57 852 бас уақ мал, 21 025 бас ірі қара мал сатып алу қаржыландырылды. Оның ішінде 6 806 бас ірі қара малы нақты әкелінсе, жыл соңына дейін 18 087 бас ірі қара әкелу жоспарлануда.

Корпорация «Нәтижелі жұмыспен қамтуды және жаппай кәсіпкерлікті дамытудың 2017–2021 жылдарға арналған «Еңбек» мемлекеттік бағдарламасын іске асыруға белсенді қатысады.

Корпорация мемлекеттің гендерлік саясатына да өз үлесін қосуда. Биылғы жылдың тек 10 айында 718 кәсіпкер әйел қаржыландырылды, қаржыландыру көлемі 35,7 млрд теңгені құрады , бұл жалпы көлемнің 20,4 пайызын құрайды.

Мемлекеттік және салалық несиелеу бағдарламаларын іске асыру бар жұмыс орындарын сақтауға мүмкіндік беріп қана қоймай, жаңа жұмыс орындарын ашуға да ықпал етті.

Осылайша, «Аграрлық несие корпорациясы» АҚ жеке қаржы институттарын тарту және АӨК субъектілерінің құзыреттілігін арттыру арқылы қолжетімді және тиімді қаржыландыру жүйесі арқылы еліміздің агроөнеркәсіп кешенінің тұрақты дамуына толық ықпал етеді.

АСТАНА

Авторы:  Назгүл Әбжекенова