Саналы ғұмырын құқық қорғау саласына арнаған Сәкен Момынов зейнетке шыққан соң кәсібін басқаша бағытқа бұрған. Қазір Қарағанды облысы, Бұқар Жырау ауданы, Үштөбе ауылындағы «Úshtóbe Qus» ЖШС директоры. Аграрлық несие корпорациясынан биылғы алғашқы жартыжылдықта қаржылай қолдау тапқан нысанның бірі осы. 

«Үш адам бірігіп осы шағын қүс фермасын аштық. Аграрлық несие корпорациясының 20 млн теңге несиесіне Өскеменнен құсқа қажетті азық сатып алдық. Бір мезетте инкубациялық шкафтан 3600 балапан шығарамыз. Құс етін бекерге таңдамадық. Себебі оны екі айдың ішінде сатуға болады», - дейді кәсіпорын директоры Сәкен Момынов

Үштөбе ауылындағы құс етін өндіретін жалғыз ферма қазір күніне 7 мың тауық сояды. Әзірге, жергілікті нарыққа салқындатылған құс етін шығарып отыр. Ендігі мақсат – ірі сауда желісімен тығыз байланыста жұмыс істеу. Бұл үшін өндіріс көлемін арттыруды жоспарға енгізген. Айтпақшы, құс етін нарыққа шығаруға ысылған серіктестік жақында халал сертификатын алыпты.

Сурет: goferma.ru