50 гектар жерге қант қызылшасын еккен «Нурдымакун» ШҚ

Жетісу облысының Көксу ауданына қарасты Талапты ауылындағы «Нурдымакун» шаруа қожалығы қазіргі уақытта 50 гектар жерге еккен қант қызылшасы мен 40 гектарға еккен картобын жинап жатыр. Аграрлық несие корпорациясының «Кең дала 2» бағдарламасы арқылы несие алған шаруа қожалығының басшысы Қизат Абиров биыл мол өнім жинағанын айтады. Шаруашылықта тұрақты түрде 5 адам жұмыс істесе, маусымдық кезеңде жұмысшылар саны 30 адамға дейін жетеді. Ендігі кезекте өнімдерін өңдеу кәсіпорынына өткізу жұмыстарымен айналысып жатыр.