Сәлеметсіз бе, Кенішкүл Бағдатқызы.
ҚР Ұлттық экономика министрінің 28.03.2023 ж. № 93 бұйрығына сәйкес
«Дипломмен – ауылға!» жобасының Сенiм бiлдiрiлген агенті ретінде 2023 жылдың 1 сәуірінен бастап «Отбасы банк» АҚ-ы бекітілді, сол себептен бұл мәселемен «Отбасы банк» АҚ-на жүгінуіңіз қажет.
Сәлеметсіз бе, Алтын.
Қазақстан Республикасы Азаматтық кодексінің 188-бабына сәйкес меншiк иесi өзiне тиесiлi мүлiкке қатысты өз қалауы бойынша кез келген әрекеттер жасауға, соның iшiнде бұл мүлiктi басқа адамдардың меншiгiне берiп, иелiгiнен шығаруға, өзi меншiк иесi болып қала отырып, оларға мүлiктi иелену, пайдалану және оған билiк ету жөнiндегi өз өкiлеттiгiн тапсыруға, мүлiктi кепiлге беруге және оған басқа да әдiстермен ауыртпалық түсiруге, оларға өзгеше түрде билiк етуге құқылы.
2015 жылғы 10 шілдедегі № 1-ЖФ-КТ11-к-1 кепіл шартының тармағына сәйкес «Нұр» шаруа қожалығы «Тараз» Несие серіктестігі» ЖШС негіздемелік келісім бойынша «Аграрлық несие корпорациясы» АҚ –ның алдындағы міндеттемелерін тиісінше орындауды қамтамасыз ету ретінде жылжымайтын мүлікті Мұхамбетжанов Асыл Жомартұлы ұсынған.
«Нұр» шаруа қожалығы өз міндеттін толық орындағанына байланысты, жылжымайтын мүлік бойынша толық құжаттарды «Тараз» Несие серіктестігі» ЖШС қызметкеріне 2019 жылдың 20 тамызында табыстаған.
«Аграрлық несие корпорациясы» АҚ Жамбыл облысы бойынша филиалы тарапынан 2019 жылдың 23 шілдесінде № 22-38/1609 шығыс хатына сәйкес «Азаматтарға арналған үкімет» Мемлекеттік корпорациясы» КЕ АҚ Байзақ ауданың бөліміне 2015 жылғы 10 шілдедегі № 1-ЖФ-КТ11-к-1 кепіл шартының негізінде жылжымайтын мүлікті кепілден босату туралы хабарлама берілген.
Осыған байланысты кепілдікке қойылған жылжымайтын мүліктің иесі А.Ж.Мухамбетжанов мырза өз тарапынан кепілдіктен босату сұрағы бойынша Аграрлық несие корпорациясы» АҚ Жамбыл облысы бойынша филиалына өтініш беруге құқылы.
Аграрлық несие корпорациясы» АҚ Жамбыл облысы бойынша филиалы Тараз қаласы, Төле би көшесі 93-а, 4 қабат мекен-жайында орналасқан. Байланыс нөмірі: 8 701 006 12 18
Саламатсыз ба, Жанар.
Жастарды несиелеу бағдарламасының ережесіне сәйкес, несиені 21 мен 35 жасқа дейінгі азаматтар ғана ала алады. Яғни 35 жасқа толған азамат бұл бағдарлама бойынша несие ала алмайды.
Бұдан бөлек, сізге «Агробизнес» несие бағдарламасын қарастыруды ұсынамыз. Максималды несие сомасы 5 млрд. теңгеге дейін, несие мерзімі 10 жылға дейін, 22%-бен беріледі. Оның 16%-ы мемлекет тарапынан субсидияланады. Осылайша, субсидиялауды ескерсек, сіз үшін сыйақы мөлшерлемесі жылдық 6% -ды құрайды.
Толық ақпарат алу үшін Түркістан облысындағы филиалға жүгінсеңіз болады. Мекен-жайы: Түркістан қаласы, Б. Саттарханов көшесі, 33б. Телефон: 8 701 006 13 15, 8 701 006 13 17
Саламатсыз ба, Жадыра Әлімбайқызы.
Қазығұрт ауданының тұрғыны болсаңыз, 2,5% несие алу үшін Түркістан облысындағы филиалға жүгінуіңізге болады. Құжаттар тізімін agrocredit.kz сайтынан көрсеңіз болады.
Түркістан облысындағы филиалымыздың мекен-жайы: Түркістан қаласы, Б. Саттарханов көшесі, 33-б үй. Телефон: 8 701 006 13 15, 8 701 006 13 17. Е-mail: info-turkestan@agrocredit.kz
Сәлеметсіз бе, Арыстан.
Сіздің өтінішіңіз 13.04.2023 ж. Астана қаласы әкімдігінің халықты жұмыспен қамту орталығына жіберілді. Астана қаласы әкімдігі жанынан құрылған комиссия өтініштерді қарау үшін отырысты айына 1-2 рет өткізеді.
Комиссия отырысы өтіп, сіздің өтінішіңізге қатысты шешім қабылданған уақытта, Аграрлық несие корпорациясының мамандары міндетті түрде сізге хабарласады.
