Аграрлық несие корпорациясы Абай (Семей қ.) және Ұлытау (Жезқазған қ.) облысында филиалдарын ашты. Енді осы өңірлердегі ауыл шаруашылығы тауарын өндірушілерге өздерінің облыстық филиалы қызмет көрсетеді. 

Шығыс Қазақстан және Қарағанды филиалынан жаңа құрылымдық бөлімшелерге жаңа өңір аумағында іске асырылатын жобалар бар несие қоржыны беріледі. Бұл филиалдарды қосқанда Аграрлық несие корпорациясының енді 16 аймақтық және 3 қалалық (Астана, Алматы, Шымкент) филиалы бар. 

Қазіргі таңда филиалдардың штаттық кестесі әзірленіп, ғимараттарды жалға алу, жиһаз, техника, телефон байланысымен қамтамасыз ету мәселелері қарастырылуда.

Сурет: visiteast.kz, egemen.kz