AgroCredit
Сенім телефоны +7 (701) 006 18 18
+7 (701) 006 18 18 - сенім телефоны (сыбайлас жемқорлық және алаяқтық әрекеттер туралы хабарлау үшін, анонимділікке кепілдік беріледі)
Жұмыс кестесі: 9-00-ден 18-30-ға дейін, үзіліс: 13-00-ден 14-30-ға дейін.
Сн, жс – демалыс күндері.

Сыбайлас жемқорлыққа қарсы күрес комплаенс-қызметінің басшысы Салықов Т.Ж.: Salykov.T@agrocredit.kz
Install the application:
1) Open the website in Safari
2) Click save
3) Add to home screen
Аграрлық несие корпорациясы – дамудың маңызды қадамдары

2023 жылы «Бәйтерек» Ұлттық басқарушы холдингі» АҚ-ның еншілес ұйымы Аграрлық несие корпорациясы фермерлер мен корпорацияның қызметіне оң әсер еткен, сондай-ақ болашақта дамуға тың серпін берген бірқатар маңызды іс-шараларды жүзеге асырды.

Корпорацияның ауқымды жұмысы жеті бағыт бойынша жүргізілді: қаржыландыру көлемін ұлғайту, цифрландыру, жастарға микрокредит беру бағдарламасын іске асыру, қолайсыз ауа райы жағдайларына тап болған фермерлерді қолдау, сондай-ақ қаржыландыру шарттарын, ішкі процестер мен корпоративтік мәдениетті жетілдіру.

2023 жылғы қаржыландыру көлемі

2023 жылғы Аграрлық несие корпорациясының негізгі жетістіктерінің бірі – берілген несиелер көлемінің артуы. Егер өткен жылы «ҚазАгроҚаржы» АҚ еншілес ұйымының қызметін қоса есептегенде бұл көрсеткіш 522,3 млрд теңгені құраса, биыл 540,0 млрд теңге деңгейінде бағаланады.

Осының арқасында фермерлер өндірісті кеңейтуге, заманауи жабдықтар мен ауылшаруашылық техникаларын сатып алу үшін қосымша ресурстарға қол жеткізді.

Цифрландыру

Аграрлық несие корпорациясының жұмысына цифрлық өнімдерді жедел енгізу Корпорация стратегиясының ажырамас бөлігіне айналды. Өткен жылдан бері Agronesie.kz порталы арқылы кәсіпкерлердің 5 минут ішінде кредит жөнінде алдын ала шешім алу мүмкіндігі туды.

Корпорацияның банктердің қосымшаларымен интеграциялануы (KASPI, Homebank, BCC, Kazpost) фермерлерге несиелерін комиссиясыз және онлайн өтеуге мүмкіндік берді.

Жақын арада корпорацияның клиенттері несиеге өтініш беру процедураларын одан әрі жеңілдететін, операциялардың ашықтығын қамтамасыз ететін және фермерлердің корпорациямен ынтымақтастығын кеңейтуге мүмкіндік беретін мобильді қосымшаны пайдалана алады.

Жастарға шағын несие беру бағдарламасы

Өткен жылы Корпорация 2023-2025 жылдарға арналған жастарға шағын несие беру бағдарламасын сенім білдірілген өкіл (агент) ретінде іске асыруды бастады. 3 жыл ішінде 90,6 млрд теңге бөлу жоспарланған. 2023 жылы 29,0 млрд теңге бөлінді, оның ішінде 25,2 млрд теңгеден астам сомаға 5 465 кәсіпкердің жобалары қаржыландырылды. Өтінім беру ыңғайлы болу үшін Корпорация өтінімдерді онлайн қабылдау процесін автоматтандырды (автоматтандыруға дейінгі мерзім 10-15 күн болды).

Өнімнің болмауына байланысты фермерлерді қолдау

Корпорация қолайсыз ауа-райының салдарынан туындаған егін жинау проблемалары кезінде үйлесімді жұмысты көрсетті. Фермерлерге көмектесу үшін Корпорация «ҚазАгроҚаржы» АҚ-ын қоса есептегенде ең қысқа мерзімде 35 млрд теңгеден астам сомаға фермерлердің төлемдерін кейінге қалдыру жұмыстарын жүргізді. Бұл сома шамамен 43,5 млрд теңгені құрайды. Бұл бағыттағы жұмыс әлі де жалғасуда, екі компания бойынша 7 млрд теңгені кейінге қалдыру өтінімдері қаралуда. Айта кету керек, қайта құрылымдау жүргізілгенде өсімпұлдар мен айыппұлдар болмайды.

Болашақта Аграрлық несие корпорациясы фермерлерге егінді сақтандыруға назар аударуды ұсынады. АӨК-нің қолданыстағы ерікті сақтандыру жүйесінде 80% мөлшерінде сақтандыру сыйақыларын субсидиялауға қарастырылған. Корпорация жасалған сақтандыру шарттары бойынша сақтандыру сыйақысының бір бөлігін субсидиялау жөніндегі оператор қызметін атқарады. Аграрлық секторда сақтандыруды дамытудың негізгі мақсаты фермерлердің мүліктік мүдделерін қорғауды және АӨК субъектілерін қаржыландырудың қолжетімділігін арттыру. 2023 жылы өсімдік шаруашылығы бойынша сақтандыру төлемдерінің жалпы сомасы 4 млрд теңгені құрады, бұл 2022 жылмен салыстырғанда 2,7 млрд теңгеге артық.

Қаржыландыру шарттарын жетілдіру

Қаржыландыру шарттары аясында корпорация алғаш рет фермерлер үшін қолайлы бағаларды қалыптастыру мақсатында көктемгі егін егу және күзгі жиын-терім жұмыстарын қаржыландыру көлемін екі есеге арттыра отырып, орта мерзімді негізге ауыстырды.

Инвестициялық жобалар бойынша бюджет қаражатын неғұрлым тиімді пайдалану мақсатында салалық және технологиялық құрамдас бөліктің талаптары қайта қаралды. Корпорация қызметінің ашықтығын арттыру жұмысы аясында алғаш рет ішкі талаптар салалық қауымдастықтармен талқыланды, олардың барысында оңтайлы шешімдер қабылданды.

Ішкі процестерді жетілдіру

Корпорация бизнес-процестерді оңтайландыру бойынша үлкен жұмыс жүргізді. Көбінесе өзгерістер инвестициялық жобаларды қарау процесіне әсер оң етті. Шешім қабылдау тәсілдерін қайта қарастыру және клиенттерге қызмет көрсетудің ыңғайлылығын арттыру қажеттілігін түсіну арқылы Корпорация инвестициялық жобаларды қарастырудың екі сатылы процесін жүзеге асырды. Бірінші кезеңде құжаттардың ең аз пакеті негізінде индикативтік сараптама жүргізіледі, екінші кезеңде өтініш беруші мен инвестициялық жобаны қаржыландыру мүмкіндігіне қарау және талдау жүргізіледі.

Бұл жаңалық клиенттерге қажетті құжаттарды жинау кезінде уақыт пен ақшаны едәуір үнемдеуге және жобаларды іске асырудың мерзімдері мен кезеңдерін тезірек қалыптастыруға мүмкіндік береді.

Корпоративтік мәдениетті жетілдіру

Соңғы 2 жылда Корпорация клиентке бағдарлану, ашықтық, сыбайлас жемқорлыққа, меритократияға нөлдік төзімділік қағидаттарын қарқынды енгізуде және қызметкерлердің кәсібилігіне жоғары талаптар қояды.

Тұтастай алғанда, Аграрлық несие корпорациясы саладағы тұрақтылық пен өсімді қамтамасыз ете отырып, ауыл шаруашылығын қолдаудың негізгі ойыншысы болып қала береді. Корпорацияның 2023 жылғы табысты жетістіктері мен болашаққа бағдарланған стратегиялық жоспарлары тек фермерлерге ғана емес, жалпы қоғамға орасан зор пайдасын тигізетін үнемі жетілу мен дамуға деген ұмтылысының айғағы.