«Аграрлық несие корпорациясы» экспортқа бағытталған ауыл шаруашылығы өнімдерін өндіруді көздейтін жобаларды қаржыландыру көлемін арттыруда. Бүгінгі таңда компания 272,7 млрд теңгеден астам сомаға 298 жобаны қаржыландырған. Бұл туралы «ҚазАгро» холдингі хабарлады.

Атап айтқанда, АКК қоржынында балық шаруашылығын дамытуға арналған 10 жоба бар. Балық шаруашылығы ауыл шаруашылығын дамытудың базалық салаларының бірі ретінде айқындалғанын ескерсек, мұндай шаруашылықтардың қатары арта түспек. Өнімнің негізгі көлемі Түркістан, Алматы, Солтүстік Қазақстан және Шығыс Қазақстан облыстарына тиесілі, бірақ Қазақстан Республикасы Премьер-Министрінің тапсырмасы бойынша жыл соңына дейін барлық өңірлерде балық шаруашылығын дамыту бағдарламалары әзірленетін болады.

Тақырып бойынша оқыңыз: Қазақстан 2019 жылы 60 миллион долларға балық өнімдерін экспорттады

Экология министрлігінің мәліметінше, соңғы 10 жылда Қазақстан Республикасында жалпы өндірістік қуаты 3,26 мың тонна балық өнімдерін құрайтын 13,9 млрд теңгеге балық шаруашылығының 13 жобасы қаржыландырылған. Бұл бағытта Аграрлық несие корпорациясы «Агроэкспорт», «Агробизнес», «Қарапайым заттар экономикасы» атты бірнеше бағдарламалар бойынша жобаларды қаржыландырады.

50 млн теңге несиенің бірі Шығыс Қазақстан облысы Самара ауылында бағалы балық түрлерін өсіруге арналған торлы ферманы кеңейту үшін «Кузьмич» ЖШС-не берілді. Шаруашылық біріктірілген жүйеде құрама жем және вермикомпост өндіре отырып, балықтың бағалы түрлерін (бекіре, албырт, ақ балық), сонымен қатар көксерке, шаянды қарқынды кешенді түрде өсірумен айналысады. 2021 жылға қарай шаруашылық жылына 100 тонна тауарлық балық өндіруді жоспарлап отыр. Өндіріс көлемін ұлғайту есебінен қосымша 30 жұмыс орны ашылды.

Тақырып бойынша оқыңыз: ЕАЭО үш жыл ішінде сиыр етінің экспорты 15 есе өседі деп болжайды

Тағы бір басымдық – етті мал шаруашылығын дамыту. Мемлекеттің қолдауымен «Елімай Көкпекті» шаруа қожалығы Шығыс Қазақстан облысында ағымдағы жылдың қазан айында 3 мың басқа арналған бордақылау алаңын іске қосуды жоспарлап отыр.

2018 жылы шаруа қожалығы АКС-тен жеңілдікті несие алды. Қазақтың ақбас тұқымын 150 бас малмен бастаған «Елімай Көкпекті» 4 жылдың ішінде асыл тұқымды мал шаруашылығы мәртебесін алды.

Қожалық директорының айтуынша, шаруашылықты іске қоспас бұрын етті мал шаруашылығы бойынша озық елдерді аралап, олардың тәжірибесін өз шаруашылығына енгізуге тырысқан. Бүгінде бордақылау алаңында 2000 бас ірі қара бар. Фермер сиыр етін БАӘ мен Қытайға экспорттауды жоспарлап отыр.

Дереккөз: https://eldala.kz/novosti/zhivotnovodstvo/2796-akk-uvelichilo-finansirovanie-ehksportoorientirovanny....