Ауыл шаруашылығы министрі Айдарбек Сапаров, «Аграрлық несие корпорациясы» АҚ Басқарма төрағасының орынбасары Айдын Досқараев, «ҚазАгроҚаржы» АҚ Басқарма төрағасының орынбасары Еркебұлан Жумжаев және басқа да ауыл шаруашылығы саланының басшылары Жетісу облысының ауыл шаруашылығы тауарын өндірушілермен кездесті. Онда өңірдің агроөнеркәсіп кешенін дамыту үшін қабылданатын шаралар айтылып, көктемгі дала жұмыстарының барысы баяндалды. Делегация өкілдері Аграрлық несие корпорациясы қаржыландырған «Жаркент крахмал-сірне зауыты» ЖШС мен «Көктал Агро» ЖШС жұмысымен танысып, жергілікті шаруалармен кездесу өткізді. Айдын Досқараев Корпорация тарапынан қаржыландыру механизмдерін түсіндіріп, фермерлердің сұрақтарына жауап берді.
