Түркістан облысы Отырар ауданы Қарақоңыр ауылындағы «Қамбар» шаруа қожалығы 10 жылдан бері асыл тұқымды мал өсірумен айналысады. Мұндағы 1500-ге жуық малға қажетті жайылым мен суару орындары бар. Қожалық иесі Серік Қожахметов жыл бойы екі адам жұмыс істейтінін, сақман кезінде қосымша жұмысшылар тартынын айтады.

«2016 жылдан бері біз мемлекеттік қолдау құралдарын пайдаланып келеміз. Екі жыл бұрын Аграрлық несие корпорациясынан несие алып, 1500 бас мал сатып алдық, қаражаттың бір бөлігі жем-шөп сатып алуға жұмсалды. Бұған дейін біз «ҚазАгроҚаржы» АҚ-ның лизингтік бағдарламалары көмегімен күнделікті жұмысымызға қажетті тракторлар мен тайлағыш-жинағыш сатып алдық», – дейді С.Қожахметов.

 Шаруа қожалығы Аграрлық несие корпорациясынан алған несиесін уақытында өтейді, кесте өзіне ыңғайлы жасалған. Негізгі қарызды жылына бір рет, сыйақы үстемесі жарты жылда бір рет төленеді. Мал шаруашылығын дамытуға мемлекеттен алынған субсидиялар қарызды өтеуге жұмсалып, несиелік жүктемені біршама жеңілдетті.