Қызметкерлеріміз Е-652 көшесінің аумағында санитарлық тазалау жұмыстарын жүргізді. Бүгінгі күннің маңызын Қасым-Жомарт Тоқаевтың қатысуы айрықша арттырды. Мемлекет басшысы да экоакцияға қосылып, ағаш отырғызды. Президент «Таза Қазақстан» қозғалысы екі жыл ішінде жалпыхалықтық сипат алып, «Әділетті Қазақстан» идеясының рухани өзегіне айналып келе жатқанын атап өтті. «Аграрлық несие корпорациясы» үшін бүгінгі акция – экологиялық жауапкершілік қағидатын іс жүзінде жүзеге асырудың көрінісі. Еліміз бойынша мұндай шараларға қазірдің өзінде 6 миллионнан астам адам қатысқан. Тек Астананың өзінде ауқымды тазалық жұмыстарына 100 мыңнан астам тұрғын, еңбек ұжымдары мен еріктілер шығады. Біз туған өлкеміздің көркеюіне өз үлесімізді қосып жатқанымызды мақтан тұтамыз. Отанға деген сүйіспеншілік осындай қарапайым, бірақ маңызды істерден басталады.
28.04.2026 Жаздық дақылдарды ылғал тапшылығынан сақтандыруға өтінім қабылдау 2026 жылдың 30 сәуіріне дейін (қоса алғанда) жалғасады.
