Инвесторларға

2026 жылғы 2 қыркүйекте «Fitch Ratings» халықаралық рейтинг агенттігі «Аграрлық несие корпорациясы» АҚ эмитентінің шетел және ұлттық валютадағы ұзақ мерзімді дефолт рейтингтерін «BBB» деңгейінде, болжамы «Тұрақты» деп растады. Сонымен қатар ұлттық шкала бойынша Корпорацияның ең жоғары «AAA(kaz)» деңгейіндегі кредиттік рейтингі бар.

2026 жылғы 4 қыркүйекте «Moody’s Ratings» халықаралық рейтинг агенттігі «Аграрлық несие корпорациясы» АҚ-ның ұлттық және шетел валютасындағы ұзақ мерзімді және қысқа мерзімді рейтингтерін «Baa2/Prime-2» деңгейінде, болжамы «Тұрақты» деп растады. Агенттік бір мезгілде Корпорацияның ұлттық шкала бойынша ұзақ мерзімді кредиттік рейтингін «Aa3.kz» деңгейінде растады.

2025 жылы Sustainable Fitch халықаралық рейтинг агенттігі «Аграрлық несие корпорациясы» АҚ-на 56 балл бағасымен ER3 деңгейіндегі ESG-рейтинг берді. Берілген рейтинг Корпорацияның Қазақстанның агроөнеркәсіптік кешенінің тұрақты дамуына қосқан үлесін, оның ішінде ауылдағы шағын және орта бизнес субъектілерін қаржыландыру және елдің азық-түлік қауіпсіздігін қолдау арқылы қосқан үлесін көрсетеді.

Кредиттік рейтингтердің екі халықаралық рейтинг агенттігімен расталуы «Аграрлық несие корпорациясы» АҚ-ның қаржылық тұрақтылығына және мемлекеттік аграрлық саясатты іске асырудағы стратегиялық рөліне негізделген мемлекеттік қолдау деңгейіне берілген жоғары бағаны көрсетеді. Жоғары кредиттік рейтингтер Корпорацияның Қазақстан экономикасы үшін стратегиялық маңыздылығын және оның жалғыз акционері – «Бәйтерек» ұлттық инвестициялық холдингі» АҚ тарапынан көрсетілетін қолдауды білдіреді.

«Аграрлық несие корпорациясы» АҚ ауыл шаруашылығы тауарын өндірушілерді мемлекеттік қолдаудың негізгі институттарының бірі болып табылады: агроөнеркәсіптік кешен субъектілері үшін қаржыландырудың қолжетімділігін қамтамасыз етеді және отандық ауыл шаруашылығының дамуына жәрдемдеседі.