Итальяндықтар бау-бақша өсіру тәжірибесімен бөлісті

Алматыда бау-бақша саласы бойынша салалық семинар өтті.

«Кілтті тапсырылған» бақтарды жобалау, сақтау және сұрыптау қоймаларын салу бойынша көшбасшылардың бірі итальяндық Advice&Consulting Srl компаниясы 7 сәуірде қарқынды бақтарды дамытудағы инновацияларды енгізуге арналған семинар өткізді. Спикерлер арасында Advice&Consulting SRL, Salvi Vivai, Fruit Control Equipments, Unitec жетекші итальяндық компанияларының агроном-сарапшылары болды. Семинар «Алма күні – алманы табыс пен күлкіге қалай айналдыруға болады» деп аталды. Өндіріс тиімділігін арттыру мақсатында жоғары технологиялық процесті құру арқылы өнімді ТМД елдері мен Еуропадағы бәсекеге қабілетті деңгейге жеткізу, бау-бақша саласындағы кәсіпкерлердің тиімділігін арттыру семинардың маңызды мақсаты болды.

«Аграрлық несие корпорациясы» АҚ басқарма төрағасы Нармұхан Сарыбаев Қазақстандағы қарқынды бау-бақшаны қаржыландыру мәселесіне тоқталды. 2017 жылы Корпорация Алматы және Жамбыл облыстарында жалпы ауданы 170 га және өндірістік қуаттылығы 8,6 мың тонна бау-бақша өсіру бойынша 3 жобаны қаржыландырды.

Семинарға Алматы, Жамбыл және Оңтүстік Қазақстан облыстарының ірі ауыл шаруашылығы кәсіпкерлері қатысты, олардың арасында Корпорацияның бірнеше қарыз алушылары да бар.